المحاور: على أي أساس عملت هيدا ال… ما بدي قول تقسيم، هيدا التوزيع بموضوع ال…؟
الضيف: لا تقسيم، تقسيم ما بيهم، ما بيهم الأسامي. على أساس واقع لبنان، بلبنان الطايفة هوية مش لاهوت، الطايفة هوية مش لاهوت، شو يعني؟ يعني أنا ما بيهمني وقت بقول مسيحي إذا بيروح على القداس كل أحد، أو إذا مسلم بيروح ع الجامع أو الخلوة إذا درزي، اللي بيهمني هو الـidentité culturelle، هويته المجتمعية. هيدا واقع لبنان أوكي؟ وما حدا متل ما علمنا بروفيسور سليم عبّو ما حدا بيطلع من هويته، الهوية بتخلق وبتنمى مع الإنسان. فكرة إنو في مجتمعات أوكي، في أربع سرديات وطنية بلبنان، رحنا من هون، جينا قلنا واقع لبنان ١٦٣٣ ضيعة ومدينة. أخدنا أرقام ٢٠١٨ تبع وزارة الداخلية ورحنا قلنا رح نعمل Allocation لكل ضيعة لوحدة من ال…
المحاور: عم نشوف ع السكرين كونفيدرالية لبنان صح؟
الضيف: صح مزبوط رح نعمل Allocation لكل ضيعة… رح تطلع ع السكرين التانية كمان نعم. من كل ضيعة رح نبعتها على لون من هالألوان، على أساس الـ ٦٧ بالمية أو ما يفوقها أوكي؟
المحاور: يعني كانتون درزي، كانتون سني، كانتون شيعي، كانتون مسيحي صح؟
الضيف: يعني إيه صح، مرابعة ولكن كل واحد عندو ١٠٠ بالمية من ربعو، أحلى من هيك ما في. كل واحد، وكل مين بيسكن أكيد وين ما بدو أوكي، كل مين بيكون ساكن وين ما بدو بالبلد كلو، هيدا بلد واحد. وكل مين بيصوت بالبلدية وين ساكن. أوكي يعني أنا ابن دير القمر إذا ساكن بطرابلس بصوت وبدفع ضرايبي بطرابلس، ولكن بالانتخابات البلدية، بالانتخابات النيابية الكانتونية بصوت مع الكانتون المسيحي.