شاربل الحاج : …بتميري بالكانتون المسيحي، والدروز الساكنين فيها شو بيصيروا؟ بيصيروا ريزيدنت (resident)…
مارسيل غانم : مقيمين.
شاربل الحاج : …مقيمين فيها وعندهم كانتونال… بينتموا للكانتون الدرزي، يعني بيضلوا مقيمين فيها وبيصوتوا بالبلدية فيها، ووقت بيجي على التصويت النيابي، بيصوتوا مع الكانتون للبرلمان الدرزي. الستروكتور (structure) تبعه في أربع كانتونات، أربع برلمانات، أربع رؤساء وزراء. وهني الأربع رؤساء وزراء بيعملوا المجلس الرئاسي، متل بسويسرا، وبيداوروا السلطة ليصير برزيدنت (president) تبع الاتحاد، سنة سنة سنة بالمداورة، وزات الشيء على رئاسة مجلس النواب، والأربع كانتونات…
مارسيل غانم : يعني عندك مجلس نواب فيدرالي؟
شاربل الحاج : طبعاً.
مارسيل غانم : أوكي. وبيجي رئيس كمان فيدرالي وبيداور وببرم كمان؟
شاربل الحاج : صحيح، صح.
مارسيل غانم : ورئيس في عندك رئيس حكومة أيضاً شو بيكون؟
شاربل الحاج : لا، ما في رئيس. في عندك مجلس رئاسي بياخد كل قراراته بالإجماع، يونانيموس (unanimous)، وهو بيختص متل ما قال هشام بتلت أمور أساسية: المال، والدفاع، والخارجية.
مارسيل غانم : دونك إنت حصرت القوى العسكرية بجيش واحد، حصرت الدبلوماسية باتجاه واحد أو بسياسة خارجية وحدة، طيب هيدا وزير الدفاع بيكون عملياً أو السياسة الخارجية عفواً وزير الخارجية بيكون كيف شو وين تركيبته بهيدا؟
شاربل الحاج : كتير حلو سؤالك. أول شي في مبدأ البارادبلوماسي (paradiplomacy)، البارادبلوماسي شو بتعمل؟ بتسمح لكل كانتون – وهيدا اليونايتد نايشنز (United Nations) اليوم عم بتقروا – بتحديد توجهاته، بوجوده بالمحافل الدولية…
مارسيل غانم : إنه أنا أمثل كانتون تنقول جبل لبنان…
شاربل الحاج : ١٠٠٪.
مارسيل غانم : …أوكي، موجود داعيني بسويسرا على جنيف.
شاربل الحاج : ١٠٠٪، فيي… ما بصوّت، ما بقرر…
مارسيل غانم : بس مين بيحسم هذا الخيار؟
شاربل الحاج : لحظة لحظة، المجلس الرئاسي.
مارسيل غانم : المجلس الرئاسي يونانيموس ١٠٠٪.
شاربل الحاج : نعم، بما معناته كل كانتون إلو حق يمشي بتفكيره الكوني، وبتعاطفه بالصراعات الدولية مع هيدا ومع هيداك ومع كذا، ويعبّر ويند اتفاقيات اقتصادية واتفاقيات ثقافية مع دول متل ما بتعمل الكانتون دو بافيير (Canton de Bavière)…