الفرق بين اللامركزية والفدرالية

ما الفرق بين اللامركزية والفيدرالية؟

الفيدرالية هي أسمى مظاهر اللامركزية، لأنها بتجمع اللامركزية الإدارية واللامركزية المالية واللامركزية التشريعية.

اللامركزية الإدارية

باللامركزية الإدارية، السلطة المركزية بتسمح للبلديات والأقضية إنها تقوم ببعض الأنشطة الإدارية، مثل تخليص المعاملات وتحصيل بعض الرسوم.

اللامركزية المالية

باللامركزية المالية، البلديات أو المناطق بيكون عندها صلاحيات إنها تحدد وتلم الضرايب وتحتفظ فيها، تتقدر تنفذ مشاريع إنمائية وخدماتية مثل الكهرباء والنفايات.

اللامركزية التشريعية

اللامركزية التشريعية بتمكن السلطات المحلية من إصدار قوانين بتتوافق مع الخصوصيات والقيم الثقافية والاجتماعية للسكان المحليين وبتلبي طموحاتهم. مثلاً، في مناطق ممكن تسمح بالزواج المدني ومناطق ما بدها، ومناطق بدها تسمح بالكحول ومناطق ما بدها. يعني لازم نسمح لكل منطقة تقدر تشرع بما يتوافق مع تطلعات أغلبية سكانها.

الخلاصة

وهيك، الفيدرالية هي جمع اللامركزية الإدارية والمالية والتشريعية. لبنان الاتحادي بيجمعنا.