ما فينا على طول نحطّ الحقّ على الخارج. لا، المشكلة عنّا. مشكلتنا إنّنا بنستحي نقولها: بنستحي نقول «طائفية»، بنستحي نقول «ثقافات»، بنستحي نقول «شعوب» — كإنّه عيب. لا، «نحن وطن واحد ومواطن واحد» — مش مضبوط.
ليش؟ كلّ شعوب العالم اللي هي تعدّدية، في عندك ثلاث طرق لإدارتها: إمّا التقسيم؛ إمّا إحدى الثقافات تطغى على الثقافات الأخرى وتسحقها — يعني تسحق الأقلّية من قِبَل الأكثرية؛ إمّا — وهيدا يلّي نجحت فيه تجارب الدول الناجحة — بينتقلوا إلى نظام فيدرالي. وهذا اللي عم ندعو إليه.