الضيف: ما حدا بيقدر يفرض على كونتون من لون معين إلا الإدارة اللي بتنتمي لها، يعني منطقة لاسا بجرود كسروان الكانتون المسيحي ما فيه يفرض عليها شي. اللي بيفرض عليها طريقة عيشها وطريقة إدارتها وطريقة خدماتها هن أهلها، يعني السلطة المحلية، البلدية، والكانتون اللي بتنتمي له.
المحاور: العدديّة ستحكم بقلب الكانتون.
الضيف: صح، هيدا الواقع.
المحاور: يعني منرجع، أي أكثريّة عدديّة ممكن تحكم؟ الأكثريّة يمكن الدينيّة، الأكثريّة العقائديّة…
الضيف: كل واحد بده يحارب شياطينه، ما بقا فيه حدا يجي يقول تعى ساعدني، لحالنا نسيطر.
المحاور: صرنا نكسّر بعض، يصطفلوا.
الضيف: كل واحد بده يحارب شياطينه، كل واحد بده ينمّي حاله، ضريبياً كل واحد بده يدفع على حاله، وكل واحد بده يعرف وين بده يحط مصرياته. بده يحطهم بسلاح يحطهم بسلاح، حقه.
المحاور: أوف!
الضيف: هيدول مصرياته، هيدول مصرياته، هيدول مصرياته…
المحاور: بس يلي بده يملك السلاح بيصير إنه… طيب.