Principle of subsidiarity” الموجود بالفيدرالية مش موجود باللامركزية هو إنه القرار ينبع من تحت، يعني البلدية هي بدها تقرر كل شيء كل شيء، اللي ما بتقدر له بتطلع للسلطة اللي أعلى منها مش العكس مش السلطة الأعلى هي بتقول والله طيب هيدي مش باللامركزية موجودة؟) مش موجودة باللامركزية، نحنا عنا السلطة البلدية وسلطة الإقليم واثنيناتهم ينتخبوا بشكل مباشر من الشعب. باللامركزية، باللامركزية لـ لـ نحكي باللامركزية. باللامركزية أول شيء في مركز، المركز بياخد القرار بيعطي من سلطاته وفيه يرجع عن قراره شو قصدك المركز؟) المركز السلطة المركزية، السلطة المركزية تتوزع منها اللامركزية، صح.
هيدا أول مبدأ إنه السلطة ما بتنبع من تحت السلطة بتجي من فوق باللامركزية، السلطة بتجي من فوق وتوزع بقرار مركزي إنه مننا نعطي المناطق هيدي السلطات، واللي هو شي أكيد أكيد أحسن من الموجود ولكن عم عم نشوف الفرق. الـ “décentralisation” اللامركزية هي تعتمد من البلدان اللي عندها سلطات مركزية ناجحة وثاني شيء تعتمد من البلدان أكتر شي اللي عندها لون ثقافة واحد، نحنا ببلد فيه تعددية ثقافية وسلطة مركزية فاشلة، يعني الواحد ليطمح يطبق اللامركزية ما عنده المبدأين أو المتطلبات الإجبارية كرمال يطبق اللامركزية، لا عنا سلطة مركزية ناجحة، بالعكس عنا فاشلة، يعني وقت نطبق بدولة مركزية فاشلة لامركزية بنكون عم بنزيد واحد علـ “payroll” يعني بدل ما تدفع لهيدا صرت بدك تدفع لهيدا ولهيدا ولهيدا، أوك؟