السردية الوطنية

وهيدي السردية الوطنية هي طريقة قراءة التاريخ، التاريخ مفاصل معروفة واقعية، ولكن طريقة قراءتها بتختلف من شخص لآخر، وما في غلط ومضبوط وما في حدا معه حق والتاني غلطان، يعني رح أعطي كذا مثل، واقعة تاريخية، معركة اليرموك بالـ 636، معركة صفيت بين القوة العربية الإسلامية الناشئة والامبراطورية البيزنطية، ربح فيها الطرف الناشئ، القوة العربية الإسلامية. بالنسبة لناس متلي، هيدي خسارة، بالنسبة لغير ناس هو ربح الواقعة التاريخية هي واقعة تاريخية كلنا منعرفها وما حدا مختلف عليها، ولكن طريقة قراءتها بتختلف حسب مين عم يقرأ هالواقعة، أنا بالنسبة إلي خسارة، بالنسبة لغيري…

ومش أنا معي حق وهم غلطانين ولا العكس معليش بس لأنه الناس مختلفين بيطلعوا بطريقة مختلفة، وهيدي هي السردية، رح أعطي مثل تاني، الحملات الصليبية، هيدا غزو أو هيدي تحرير؟ إلي تحرير، لغيري غزو منرجع لنفس الشغلة، هو واقع تاريخي Historical fact، ولكن بتقرأه من منظار السردية الوطنية تبعك، وكل واحد يقرأه، حر كل واحد يقرأه من منظاره فإذا اتفقنا إنه بلبنان في أربع سرديات وطنية، يعني في أربع أوطان على أرض لبنان، طبعاً في كتير بيجمعهن هلق منرجع منحكي عنن منروح من هون ومنقول عظيم، لكان هالأربع أوطان بدنا نجرب نلاقي طريقة لنجمعهن ليعيشوا مع بعض، لأنه عندهن كتير أشياء بتقربهن لبعض، ومش بس الجغرافيا والتاريخ، من ما قبل الأديان كمان