نحن ما لازم نقارب الأشياء بطريقة إيديولوجية. في بلبنان تعدد شئنا ما أبينا. في ناس بقولوا لازم نكون حياديين في ناس بقولوا لا. مين معه حق؟ والله ما بعرف وما حدا رح يعرف، وما حدا إله حق يكون معه حق هيدي آراء مختلفة. يعني هيدا الواقع. بالفيدرالية إذا بدنا نعيش مع بعض، هيدول الأمور بتتحكم فيهن الحكومة الفيدرالية. الحكومة الفيدرالية المؤلفة من أربع أشخاص أربع رؤساء وزراء، بتاخد قراراتها بالإجماع. إذا بتجمع على عدو كان به، إذا ما بتجمع على عدو منه عدو.
إذا بتجمع على صديق كان به، إذا ما بتجمع على صديق. يعني رح نعيش حياد دي فاكتو (de facto)، مش حياد عقائدي واصلينله بالفكر. حياد بحكم إنه ما فينا نخاصم حدا، ولا حدا بده يخاصم حدا. ونحن إلا إذا بنقول ما بنعيش مع بعض، كان به ساعتها في حلول تانية. بس إذا بدنا نعيش مع بعض كلنا مجبورين ناخد بآراء بعض.