انا اصلا بسياق الحديث قلت هذا الشيء، قلت ما عندنا دوغما وايديولوجيا اذا بتذكر، قلت عندنا ميكانيك دو كونستروكسيون. هذا تصور بالاخر عند التصويت مضبوط معقوله السنه يصوتوا انه نحن بدنا نعيش مع الشيعه. الروم مع الموارنه والموارنه مع الروم والكاثوليك معهم كلهم ومعقوله لا. ومعقوله يكون عدد الكونتونات مختلف. نحن عم نعمل بس ايبوتيز دو ترافاي بس لنفرجي الخارطه. مجرد اقتراح. مش حتى اقتراح، تصور معين ولكن الاخر القرار عند الناس. واي ديمقراطي صحيح بيعرف انه بده يجي وقت بدنا نقول كل بلديه بدها تعبر عن وين هي بدها تكون. بركي كونتون للروم وبركي للكويتليه وبركي الشيعه والسنه سوا وبركي الدروز معهم ما بنعرف. خلي كل مله كل سرديه تاريخيه كل شخص يعبر وبركي كلهم اذا قرروا انه كلنا علمانيين بالمعنى الانتي كليريكالي وما بدنا كله هذا الشيء كمان بيقدروا كلهم يلغوا كل شيء. اعطيهم الحق اعطيهم حق التصويت وبتشوف وين.
